نادى المحاسبين

هى كل الأصول الموجودة التى لها كيان مادى ملموس لدى الشركة بغرض الإستخدام فى العملية الإنتاجية وليست بغرض الإتجار او البيع وتغطى مدة إستخدامها أكثر من سنة مالية.

" يعنى الأصول الثابتة لازم تكون مملكوكة الشركة طبعا ولها كيان ملموس يعنى متبقاش معنوية وتكون بغرض الإستخدام وليس البيع يعنى متكونش الشركة شرايها علشان تبيعها من الأساس وتخدم الشركة اكتر من سنة مالية ولازن تتحقق كل الشروط دى مجتمعة يعنى لو مش مملوكة للشركة مش حتبقى اصل من الأساس ولو ملهاش كيان ملموس مقدرش اقول عليها اصل ثابت فى الحالة دى بتكون اصول غير ملموسة ومتكونش للبيع بغرض الربح يعنى استخدمها فى الانتاج والتجارة ممكن لكن شريها علشان ابيعها واكسب فيها لا ولازم تكون اطول من سنة ولو أقل هيكون مصروف"

القيمة الدفترية للأصل الثابت :

" يعنى القيمة الصافية فى وقت الميزانية بعد ما اطلع منها قيمة اللى استهلكته يعنى تمن الأصل واطرح منه مصروف الأستهلاك حتى وقت الميزانية اما الاضمحلال فى قيمته يعنى قيمته السوقيه قلت بشده نظرا للتطور التكنولوجى مثلا"

التكلفة :

 هى مبلغ النقدية أو ما فى حكمها المدفوعة أو التي تم تكبدها أو القيمة العادلة للمقابل الذى قدم من أجل الحصول على الأصل الثابت عند اقتنائه أو إنشائه .

" يعنى كل المبالغ اللى دفعتها علشان احصل على الاصل زى الثمن مضافا تكاليف الإستيراد والنقل وتجهيز مكان وضع الأصل والتجارب وتكلفه التركيب سواء كان المقابل مالى او غير مالى (مقابل بضاعة مثلا)"

القيمة القابلة للإهلاك :

  هى تكلفة الأصل الثابت أو أى قيمة أخرى بديلة للتكلفة فى القوائم المالية ناقصاً القيمة التخريدية له أو القيمة المتبقية له في نهاية عمره الإنتاجى المقدر.

" دى يعنى تكلفة الأصل مطروح منها قيمة الخردة عندما لا يكون الأصل صالحا للإستخدام او عند نهاية المدة المتوقعة لتشغيله"

  الإهلاك :

 هو التحميل المنتظم للقيمة القابلة للإهلاك من الأصل الثابت على العمر الإنتاجى المقدر له .

" يعنى من الأخر نقسم تكلفة على المدة اللى هنستخدمه فيها ونشيل جزء كل سنة وفى نهاية العمر يبقى معانا ثمن شراء اصل جديد"

يمكن تقييم الاصول فى نهاية كل سنة مرة جديدة وتسمى طريقة إعادة التقييم بدلا من طريقة القيمة الدفترية التقليدية وذلك وفقا لطبيعة الأصل ونشاط كل شركة