Friday, April 19, 2013
فرق بين الاصول والخصوم والمصروفات والإيرادات بسهولة
Posted by Unknown at 3:18 PM
أنواع الحسابات
المحاسبة مبتخرجش اطلاقا عن اربعة انواع حسابات " وربنا هما أربعة اللى نعرفهم لغاية دلوقتى ".
أصول – إلتزامات – مصروفات – إيرادات
قبل أى شئ انت المفروض وانت شغال مبتعتبرش نفسك محاسب انت بتعتبر نفسك الشركة نفسها يعنى تقول انا عليها ايه وليا ايه صرفت كام وكسبت كام " مهمة جدا دى"
يبقى نفكر كده مع بعض يعنى ايه اصول ؟
الأصول يعنى بالبلدى كده أحنا نملك ايه ؟ لينا ايه يعنى؟
يعنى لو قلنا النقدية " معانا فلوس " يبقى اصل
لو قلنا شيك " معانا شيك " يبقى اصل
لو قلنا عملاء " لينا عند ناس فلوس" يبقى اصل
لو قلنا عربيات " عندنا عربيات " يبقى اصل أظن سهلة يعنى اى حاجة بتاعتنا اصل
الإلتزامات بقى :
دى حاجتين الاولى : حقوق المكلية ومعانها ان صاحب الشركة ليه عندنا حاجة " ليه عندنا يعنى إلتزام علينا " هنلاقى رأس المال هنلاقى صافى الربح هنلاقى ارباح محتجزة اهو كل ده إلتزام علينا لصاحب الشركة.
التانية الخصوم : ودى بقى إلتزامات علينا بس لناس تانية غير صحاب الشركة
وزى ما قلينا التزام علينا يعنى ناس ليهم عندنا فلوس " يعنى احنا مديونين ليهم من الاخر كده"
يعنى لو قلنا موردين " ناس عطونا بضعة ومخدوش تمنها يبقى إحنا علينا فلوس ليهم يعنى إلتزام "
لو قلنا قرض " يعنى خدنا فلوس مستلفينها وهنرجعها تانى يعنى إلتزام علينا "
لو قلنا اوراق دفع " باين من إسمها حتى هندفع " يعنى علينا فلوس
وهكذا أى حاجة علينا يبقى إلتزام اهو عربى اهو مش عبرى
ودول بيروحوا الميزانية جنب فيه اللى عليك وجنب فيه اللى ليك " اسنى مدين وداين دلوقتى "
حلو كده اظن مفيش اسهل من كده .. فكر الحساب ده ليا بيه حاجة يبقى اصل عليا بيه حاجة يبقى إلتزام مش كده او كده يبقى هيكون مصروف او ايراد وهنشرحهم دلوقتى.
المصروفات بقى دى نعرفها ازاى ؟
اقولك المصروفات دى جزء بتضحى بيه علشان تحقق إيراد " سيبك من الكلام الكبير ده "
المصروف ده فلوس بدفعها عن خدمة حصلت عليها خلاص والفلوس دى مش راجعة تانى يعنى ايه
مصروف المرتبات " العمال عملوا اللى عليهم وعطيتهم فلوس هل هرجع الفلوس تانى لا طبعا "
طيب الكهرباء " استخدمت كهرباء ودفعت فاتورة هل الفلوس دى هترجع لا "
اكراميات " فكروا انتوا بقى "
طيب لو الفلوس راجعه يبقى اصل "يعنى لو دفعت فلوس واشتريت بضاعة هنا الفلوس هترجع لما ابيعها يبقى اصل لو مبانى لما ابيعها هترجع تبقى اصل وهكذا "
الإيرادات بقى ايه هى ؟
دى من الأخر الغلة بتاعتى الفلوس يعنى اللى كسبتها
ودى اى فلوس جاتلى ومش هرجعها تانى لصحابها يعنى عملتلهم خدمة بيها خلاص
يعنى المبيعات " هاخد فلوس هرجعها تانى اكيد لا يبقى ايراد "
طيب لو هرجعها تبقى التزام " قرض مثلا هاخد فلوس بس هرجعها يعنى التزام عليا "
اظن سهلة ودول بنقابلهم ببعض فى قائمة الدخل " ايرادات ومصروفات " ولو طلعنا كسبانين هيبقى فى صافى ربح " فكر كده صافى الربح ده إلتزام علينا لصاحب الشركة يبقى على طول حاخده اوديه الميزانية فى جنب الالتزامات اللى عليا "
ودى يا سيدى قائمة الدخل " برضه انسى مدين ودائن دى هتيجى لوحدها "
نفرق كده بقى بين المصروف والمصروف المقدم والمصروف المستحق ؟
لا تتلغبط ولا شئ مين بيروح قائمة دخل ومين ميزانية نشوف ؟
المصروف فلوس بندفعها ومش هترجع يبقى " مصروف " قائمة دخل طبعا .
المصروف المقدم " دى فلوس دفعتها لحد ومخدش بيها خدمة – مقدما- يعنى لينا فلوس عند ناس " اظن ميزانية اصول طبعا "
المصروف المستحق اظن بقت سهلة مستحق يعنى عليا فلوس التزامات يعنى يبقى ميزانية وجنب التزامات طبعا
شوفت الموضوع سهل ازاى معلش طولت عليكم وشرحت بطريقة بلدى كده مش اكاديمى بس اظن هتلزق فى مخك ومش هتطير تانى
المحاسبة مبتخرجش اطلاقا عن اربعة انواع حسابات " وربنا هما أربعة اللى نعرفهم لغاية دلوقتى ".
أصول – إلتزامات – مصروفات – إيرادات
قبل أى شئ انت المفروض وانت شغال مبتعتبرش نفسك محاسب انت بتعتبر نفسك الشركة نفسها يعنى تقول انا عليها ايه وليا ايه صرفت كام وكسبت كام " مهمة جدا دى"
يبقى نفكر كده مع بعض يعنى ايه اصول ؟
الأصول يعنى بالبلدى كده أحنا نملك ايه ؟ لينا ايه يعنى؟
يعنى لو قلنا النقدية " معانا فلوس " يبقى اصل
لو قلنا شيك " معانا شيك " يبقى اصل
لو قلنا عملاء " لينا عند ناس فلوس" يبقى اصل
لو قلنا عربيات " عندنا عربيات " يبقى اصل أظن سهلة يعنى اى حاجة بتاعتنا اصل
الإلتزامات بقى :
دى حاجتين الاولى : حقوق المكلية ومعانها ان صاحب الشركة ليه عندنا حاجة " ليه عندنا يعنى إلتزام علينا " هنلاقى رأس المال هنلاقى صافى الربح هنلاقى ارباح محتجزة اهو كل ده إلتزام علينا لصاحب الشركة.
التانية الخصوم : ودى بقى إلتزامات علينا بس لناس تانية غير صحاب الشركة
وزى ما قلينا التزام علينا يعنى ناس ليهم عندنا فلوس " يعنى احنا مديونين ليهم من الاخر كده"
يعنى لو قلنا موردين " ناس عطونا بضعة ومخدوش تمنها يبقى إحنا علينا فلوس ليهم يعنى إلتزام "
لو قلنا قرض " يعنى خدنا فلوس مستلفينها وهنرجعها تانى يعنى إلتزام علينا "
لو قلنا اوراق دفع " باين من إسمها حتى هندفع " يعنى علينا فلوس
وهكذا أى حاجة علينا يبقى إلتزام اهو عربى اهو مش عبرى
ودول بيروحوا الميزانية جنب فيه اللى عليك وجنب فيه اللى ليك " اسنى مدين وداين دلوقتى "
حلو كده اظن مفيش اسهل من كده .. فكر الحساب ده ليا بيه حاجة يبقى اصل عليا بيه حاجة يبقى إلتزام مش كده او كده يبقى هيكون مصروف او ايراد وهنشرحهم دلوقتى.
المصروفات بقى دى نعرفها ازاى ؟
اقولك المصروفات دى جزء بتضحى بيه علشان تحقق إيراد " سيبك من الكلام الكبير ده "
المصروف ده فلوس بدفعها عن خدمة حصلت عليها خلاص والفلوس دى مش راجعة تانى يعنى ايه
مصروف المرتبات " العمال عملوا اللى عليهم وعطيتهم فلوس هل هرجع الفلوس تانى لا طبعا "
طيب الكهرباء " استخدمت كهرباء ودفعت فاتورة هل الفلوس دى هترجع لا "
اكراميات " فكروا انتوا بقى "
طيب لو الفلوس راجعه يبقى اصل "يعنى لو دفعت فلوس واشتريت بضاعة هنا الفلوس هترجع لما ابيعها يبقى اصل لو مبانى لما ابيعها هترجع تبقى اصل وهكذا "
الإيرادات بقى ايه هى ؟
دى من الأخر الغلة بتاعتى الفلوس يعنى اللى كسبتها
ودى اى فلوس جاتلى ومش هرجعها تانى لصحابها يعنى عملتلهم خدمة بيها خلاص
يعنى المبيعات " هاخد فلوس هرجعها تانى اكيد لا يبقى ايراد "
طيب لو هرجعها تبقى التزام " قرض مثلا هاخد فلوس بس هرجعها يعنى التزام عليا "
اظن سهلة ودول بنقابلهم ببعض فى قائمة الدخل " ايرادات ومصروفات " ولو طلعنا كسبانين هيبقى فى صافى ربح " فكر كده صافى الربح ده إلتزام علينا لصاحب الشركة يبقى على طول حاخده اوديه الميزانية فى جنب الالتزامات اللى عليا "
ودى يا سيدى قائمة الدخل " برضه انسى مدين ودائن دى هتيجى لوحدها "
نفرق كده بقى بين المصروف والمصروف المقدم والمصروف المستحق ؟
لا تتلغبط ولا شئ مين بيروح قائمة دخل ومين ميزانية نشوف ؟
المصروف فلوس بندفعها ومش هترجع يبقى " مصروف " قائمة دخل طبعا .
المصروف المقدم " دى فلوس دفعتها لحد ومخدش بيها خدمة – مقدما- يعنى لينا فلوس عند ناس " اظن ميزانية اصول طبعا "
المصروف المستحق اظن بقت سهلة مستحق يعنى عليا فلوس التزامات يعنى يبقى ميزانية وجنب التزامات طبعا
شوفت الموضوع سهل ازاى معلش طولت عليكم وشرحت بطريقة بلدى كده مش اكاديمى بس اظن هتلزق فى مخك ومش هتطير تانى
Subscribe to:
Post Comments (Atom)
9 comments:
جميييييل
ممتاز
روعه
والله من أسهل وأبسط ما قرأت حقيقي ربنا يكرمك ي باشا
والله من أسهل وأبسط ما قرأت حقيقي ربنا يكرمك ي باشا
شكرا على هذي الطريقه الصراحه كثير سهلة ومبسطه
عاش يا وحش
طريقه جميله ربنا ينفع بيك يارب جزاك الله خيرا
انا جديد ولي فترة بسال نفسي ليه المصروف لايعتبر خصوم مع انه التزام في الاخر ولم اجد اجابة الا عندك اشكرك مافي اسهل من كدة
Post a Comment